Bakının Akademik Opera və Balet Teatrında fevralın 25-də Cüzeppe Verdinin "Aida" 4-pərdəli operası təqdim ediləcək. Bu haqda bu gün, 23 fevral tarixində Bakuplus.az məlumat verir.
Verdinin "Aida" operası qədim misir sərkərdəsi Ramadeslə hökmdar əsiri Aidanın sevgi uğrunda apardıqları mübarizəyə həsr olunub.
Tamaşada Aida obrazını əməkdar artist Afaq Abbasova canlandırır. Digər əsas rolları xalq artistləri Əvəz Abdulla, Əkrəm Poladov, Əməkdar artist Səbinə Vahabzadə, solistlər Fatimə Cəfərzadə, Fəhmin Əhmədli, Türkiyənin Samsun Dövlət Opera və Balet Teatrının solisti Tuncay Kurtoğlu və Almaniyanın Manheym Milli Operasının solisti İrakli Kaxidze ifa edəcəklər. Operanın dirijoru əməkdar artist Əyyub Quliyev.
Biletlər teatrın kassası ilə yanaşı, şəhərin bütün kassalarında və iticket.az saytında satılır.
