“Xurşidbanu Natəvan” tamaşasının premyerası dekabrın 4-nə planlaşdırılır. Bu haqda bu gün, 2 dekabr tarixində Azərtac məlumat verib.
Hazırda tamaşanın yekun məşqləri davam edir.
Tamaşanın mövzusu sonuncu Qarabağ xanı Mehdiqulu xanın qızı İbrahim xanın nəvəsi şairə Natəvanın həyatından götürülüb.
Dövlət sifarişi ilə hazırlanan tamaşanın bədii rəhbəri və quruluşçu rejissoru Xalq artisti Azər Paşa Nemətov, rejissoru Mehman Fətullayev, quruluşçu rəssamı Əməkdar mədəniyyət işçisi İlham Elxanoğlu, bəstəkarı Xalq artisti Siyavuş Kərimi, rejissor assistenti Dilbər İsmayılovadır.
Natəvanın obrazını səhnədə canlandıran Xalq artisti Məleykə Əsədovadır.
