Heydər Əliyev Mərkəzində mayın 4-ü “Caz günü” kimi elan edilib. Bu haqda bu gün, 6 aprel tarixində Bakuplus.az məlumat verir.
Konsert auditorium zalında təqdim olunacaq. Konsertin ilk hissəsində trio - tanınmış pianoçu və bəstəkar, beynəlxalq müsabiqələr laureatı Ruslan Ağababayev (piano), Ruslan Hüseynov (bas gitara) və Elvin Bəşirov (zərb aləti) səhnə alacaqlar.
Bundan sonra trionun müşayiəti ilə Xalq artistləri Ənvər Sadıqov (qarmon), Tünzalə Ağayeva (vokal), Əməkdar artistlər Ceyla Seyidova (skripka), Sevda Ələkbərzadə (vokal), həmçinin Elnur Mikayılovun (kamança) ifasında caz kompozisiyaları təqdim olunacaq.
Biletləri Heydər Əliyev Mərkəzinin və şəhərin kassalarından və onlayn əldə etmək olar.
