Heydər Əliyev Mərkəzində növbəti incəsənət sərgisi təşkil olunacaq. Bu haqda bu gün, 6 mart tarixində Bakuplus.az mərkəzə istinadən xəbər verir.
“Yerlə göy arasında” adlı Azərbaycan-Latviya birgə incəsənət sərgisi Mövlana Cəlaləddin Ruminin poeziyasını, eləcə də Latviyadan İeva Krumina və dünyaşöhrətli fotoqraf Reza Deqatinin əsərlərini əhatə edəcək.
İeva Krumina Latviya Rəssamlıq Akademiyasının Tekstil şöbəsinin müdiridir. O, Latviya Rəssamlar İttifaqının və Latviya Tekstil Rəssamları Assosiasiyasının üzvüdür.
REZA kimi tanınan dünyaşöhrətli fotojurnalist Reza Deqati müharibələri, hərbi münaqişələri, eləcə də bəşəriyyətin gözəlliklərini işıqlandırır.
Tədbir 9 mart - 3 aprel 2023-cü il tarixləri arasında keçiriləcək.
