Qara Qarayev adına Mərkəzi İncəsənət Məktəbinin rəhbərliyində kadr dəyişikliyi olub. Bu haqda bu gün, 5 iyul tarixində Bakuplus.az Qafqazinfo-ya istinadən xəbər verir.
Mədəniyyət naziri Adil Kərimlinin müvafiq əmrinə əsasən, sənətşünaslıq üzrə fəlsəfə doktoru Könül Hüseynova məktəbin direktoru təyin edilib.
K.Hüseynova 20 ildir Bakı Musiqi Akademiyasında pedaqoq kimi çalışır. Həmçinin o, Azərbaycan musiqi mədəniyyətinə dair elmi əsərlərin müəllifidir. Prezident İlham Əliyevin müvafiq Sərəncamı ilə 2021-ci ildə “Tərəqqi” medalı ilə təltif olunub.
Könül Hüseynova şəhid pilot, polkovnik-leytenant Rəşad Atakişiyevin həyat yoldaşıdır.
