Paytaxtda 74-cü Beynəlxalq Astronavtika Konqresi çərçivəsində “NARGIS” jurnalının “Go Green” adlı IV ekosərgisinin açılışı olub. Bu haqda bu gün, 4 oktyabr tarixində Bakuplus.az Report-a istinadən məlumat verir.
Ekspozisiyada azərbaycanlı məşhur heykəltaraş və rəssamların tullantılardan hazırladığı 9 instalyasiya nümayiş etdirilir.
“Go Green” layihəsi ətraf mühitin qorunmasına həsr olunub və müasir ekoloji problemləri incəsənət vasitəsilə ictimaiyyətin diqqətinə çatdırmaq məqsədi daşıyır.
Sərgi konqres başa çatdıqdan sonra, oktyabrın 10-dan noyabrın 30-dək “Space13” incəsənət məkanında davam edəcək.
