Bakı Dəniz Vağzalında Bakı limanının 120 illik yubileyinə həsr edilən “Port” İncəsənət Mərkəzinin açılışı olub. Bu haqda BakuPlus.az Azərtac-a istinadən bu gün, 10 dekabr tarixində xəbər verir.
Ötən gün baş tutan açılışda "Bakı Beynəlxalq Dəniz Ticarət Limanı" QSC-nin baş direktoru Taleh Ziyadov qonaqlara sərgi və Bakı Limanı barədə məlumat verib.
Baş direktor qeyd edib ki, burada 37 rəsm və 16 heykəltaraşlıq nümunəsi sərgilənir. Mərkəzdəki sənət əsərləri arasında 3 ən yaxşı rəsm və heykəltaraşlıq nümunəsi səsvermə yolu ilə seçilib.
"Mincə Sənət" Rəsm Qalereyasının direktoru Fidan Bədəlova, Avropa İttifaqının Azərbaycandakı səfiri Peter Mixalko da sərginin əhəmiyyətindən danışıb, Bakı limanını 120 illik yubiley münasibətilə təbrik ediblər.
Daha sonra isə sərgi ilə tanışlıq olub, qaliblərə sertifikatlar təqdim edilib.
Tədbirə 30-dan çox ölkənin səfirləri, diplomatlar, incəsənət nümayəndələri qatılıblar.
[URIS id=82556]
