Bakıda martın 6-dan 9-dək Azərbaycan Teatr Xadimləri İttifaqında fəaliyyət göstərən “Baxış-3” laboratoriyalarının festivalı keçiriləcək. Bu haqda bu gün, 4 mart tarixində Bakuplus.az məlumat verir.
Festivalın əsas məqsədi laboratoriyalarda çalışan gənclərin 4 ay ərzində əldə etdikləri bilik və bacarıqları nümayiş etdirmək, onları yeni axtarışlara ruhlandırmaq və teatr məkanında gedən yaradıcılıq proseslərini aktivləşdirməkdir.
“Baxış-3” festivalında “Rejissor”, “Aktyor” və “Eksperimental Teatr” laboratoriyalarının əsərləri təqdim olunacaq. Festivalın dörd günü ərzində 8 tamaşa nümayiş olunacaq. Tamaşalar Azərbaycan Teatr Xadimləri İttifaqının böyük və kiçik səhnələrində nümayiş etdiriləcək.
