İkinci Qarabağ müharibəsi zamanı Müdafiə Nazirliyinin həkimlərinin fəaliyyətindən bəhs edən “Şəfalı xatirələr” sənədli filmi nümayiş olunacaq. Bu haqda bu gün, 24 dekabr tarixində Azərtac məlumat verib.
Filmdə Vətən müharibəsi illərində həkimlərimizin cəbhə xəttindəki döyüş əməliyyatlarından, eləcə də əsgərlərimizdən bəhs edilir.
Layihəni “Azərbaycan Televiziya və Radio Verilişləri” QSC-nin Bədii və Sənədli filmlər studiyası ərsəyə gətirib.
Filmin rejissoru və ssenari müəllifi Rövşən Nicat, quruluşçu operatoru isə Elxan Rüstəmovdur.
“Şəfalı xatirələr” sənədli filmi dekabrın 25-də saat 17:00-da televiziyada yayımlanacaq.
