Bakının Xalça muzeyində aprelin 15-də “Metal məmulatların konservasiyası” adlı mühazirə keçiriləcək. Bu haqda bu gün, 11 aprel tarixində Bakuplus.az məlumat verir.
Mühazirə zamanı muzeyin kolleksiyasında qorunan bədii metal və zərgərlik nümunələrinin saxlanılması, konservasiyası üzrə nəzəri və praktik məsələlər diqqətə çatdırılacaq.
Tədbir muzeyin Ənənəvi texnologiya şöbəsinin aparıcı elmi işçisi Təhsib Zəvərli tərəfindən aparılacaq.
İştirak üçün öncədən qeydiyyatdan keçmək lazımdır. Tədbir saat 16:00-da baş tutacaq.
