Bakıdakı Rus Evində iyunun 3-də Xalq yazıçısı Natiq Rəsulzadə ilə görüş təşkil olunacaq. Bu haqda bu gün, 30 may tarixində Azərtac məlumat verib.
Yaradıcılıq görüşü saat 14:00-da ustad dərsi formatında keçiriləcək.
Natiq Rəsulzadə A.M.Qorki adına Ədəbiyyat İnstitutunun məzunudur, 30-dan çox kitabın, çoxsaylı povest və hekayələrin müəllifidir. Onun əsərləri rus, macar, bolqar, polyak və digər dillərdə nəşr olunub, onların əsasında 15 film çəkilib.
O, SSRİ Dövlət Teleradio mükafatı, Ümumittifaq N.Ostrovski adına mükafatı laureatı, Azərbaycan Yazıçılar Birliyinin və Azərbaycan Kinematoqrafçılar İttifaqının üzvü, Azərbaycanın Xalq yazıçısı, Azərbaycanın Əməkdar incəsənət xadimi, "Şöhrət" ordeni kavaleridir.
