Azərbaycan Dövlət Akademik Musiqili Teatrı yanvarın 20-də tamaşaçılara şəhidlərə, veteranlara, əsgər ana və övladlarına həsr olunmuş “Bir nəfəs qədər” tamaşasını təqdim edəcək. Bu haqda bu gün, 12 yanvar tarixində Bakuplus.az məlumat verib.
Əsərin quruluşçu rejissoru Samir Qulamov, ideya müəllifi və bədii rəhbəri Əməkdar incəsənət xadimi, fəlsəfə doktoru Əliqismət Lalayevdir. Tamaşada gənc pianoçu Kamil Həsənovun fortepiano musiqisi də səsləndiriləcək.
Səhnə əsərində Əməkdar artist Nahidə Orucova, aktyorlar Gülnarə Abdullayeva, Gülcahan Salamova, Əmrah Dadaşov, İbrahim Əlizadə, Nəzrin İsmayılzadə, Mehriban Zaliyeva, Səmədzadə Xasıyev, Hidayət Əliyev, Əli Kərimov, Murad Əliyev, orkestr və balet artistləri iştirak edəcəklər.
Tamaşa yanvarın 20-də baş vermiş faciənin 33-cü ildönümü münasibətilə nümayiş olunacaq.
