Bakının YARAT Müasir İncəsənət Mərkəzində oktyabrın 8-də uşaqlar üçün master-klas keçiriləcək. Bu haqda bu gün, 4 oktyabr tarixində Bakuplus.az məlumat verir.
Alina Yusupova tərəfindən aparılacaq “Landşaftlar” adlı təlimdə iştirakçılar nağıl meşəsi (landşaft) şəklində bitki fakturalı əsərlərini yaratmağa çalışacaqlar. İlk növbədə onlar müxtəlif bitkilərin yarpaqlarını akril ilə boyayacaqlar, daha sonra alınmış yarpaq naxışlarını basma üsulundan istifadə edərək kağız üzərinə köçürəcəklər.
Ustad dərsi saat 12:00-da başlayır və 8-12 yaş arası uşaqlar üçün nəzərdə tutulub.
