XX-XXI əsrlər Azərbaycan Rəngkarlığı Muzeyində uşaqlar üçün ənənəvi Little YARAT ustad dərsləri keçiriləcək. Bu haqda bu gün, 30 may tarixində Bakuplus.az məlumat verir.
Proqram:
- 3 və 17 iyun – 12:00 (8-12 yaş)
Mövzu: "Çəhrayı-qara kompozisiya"
Ustad dərsində iştirakçılar rəssam Erkin Ələkbərlinin cari sərgidə nümayiş olunan əsərinə istinad edərək kompozisiya hazırlayacaqlar. Onlar bez üzərində yalnız çəhrayı və qara rəngdən istifadə edərək qadının həyatında olan ən vacib məqamları öz baxış bucaqlarından təsvir edəcəklər.
- 10 və 24 iyun – 12:00 (8-12 yaş)
Mövzu: "Şərq qadını"
İştirakçılar şərq qadınının təsvirini rəssam Alina Yusupova ilə birlikdə yaradacaqlar. Əvvəlcə karton materialdan qadın simasının hissələri, eləcə də şərq zərgərlik elementləri və saç nümunələri kəsiləcək. Daha sonra şərq qadını obrazına uyğun olaraq kəsilmiş hissələrdən portret yaradılacaq.
Ustad dərslərində iştirak ödənişsizdir. Qeydiyyatdan keçərək bilet almaq mütləqdir.
