Baxımsız qalan Bakı Cıdır Meydanı atlar üçün təhlükə yaradır. Bu haqda bu gün, 5 avqust tarixində Bakuplus.az Xəzər Xəbərə istinadən məlumat verir.
Paytaxtın Nərimanov rayonunda yerləşən və 100-ə yaxın yaşı olan meydan uzun müddətdir təmir olunmur.
Bir vaxtlar burada beynəlxalq yarışlar keçirilib, bu gün isə həssas qarabağ atları hər an zədə alma təhlükəsi ilə üzləşirlər. Həmçinin at sürənlər də işsiz qalıblar. Onlar yarışlara hazırlaşıb Azərbaycan atlarını beynəlxalq arenada nümayiş etdirə bilmirlər.
Təmirə 6 ay öncə başlansa da, ərazi daha pis vəziyyətə salınıb və işlər dayandırılıb.
Kənd Təsərrüfatı Nazirliyinin balansında olan meydan haqda nazirlik bildirdi ki, təmir üçün müvafiq tədbirlər artıq başlanıb.
[caption id="attachment_55765" align="alignnone" width="300"]
Foto Xəzər Xəbərin rəsmi Youtube kanalı[/caption]
