"Qış parkı"nın yaxınlığında yanğın baş verib. Bu haqda 29 iyun tarixində Bakuplus.az məlumat verir.
Bu gün gecə saatlarında Nəsimi rayonu, "Qış parkı"nın yaxınlığında tikinti aparılan ərazidə yanğın baş verib. Hadisə yerinə FHN-nin yanğından mühafizə bölmələri cəlb olunub. İlkin məlumata əsasən, təqribən 100 kv.m sahədə tikinti materialları yanıb. Şahidlərin sözlərinə görə, əvvəlcə bir-neçə partlayış baş verib. Bundan əlavə, parkinqdə olan “Mercedes” və “Nissan” markalı avtomobillər yanaraq külə dönüb, bir neçə digər avtomobilə ciddi maddi ziyan dəyib.
Yanğın FHN əməkdaşları tərəfindən söndürülüb.
Yenilənib : 13:55
"Qış parkı"nın yaxınlığında tikinti aparılan ərazidə yanğın zamanı 15 kv.m olan dəmir konstruksiyalardan ibarət 2 ədəd gözətçi konteynerinin taxta üzlüyü və içərisində olan əşyalar, 100 kv.m sahəyə yığılmış tikinti materialları, 1 ədəd ağac, “Mercedes-200” və “Nissan Pathfinder” markalı minik avtomobillərinin yanar hissələri yanıb.
[video width="1080" height="1080" mp4="https://bakuplus.az/storage/photos/2022/06/12345.mp4"][/video]
