Bu gün Bakı Ağır Cinayətlər Məhkəməsində hakim Mahirə Kərimovanın sədrliyi ilə vətəndaşlara qarşı külli miqdarda dələduzluq etməkdə təqsirləndirilən təhsil eksperti kimi tanınan Əşrəf Əşrəflinin cinayət işi üzrə məhkəmə prosesi keçirilib.
Məhkəmə şahid ifadəsi ilə davam edib.
Bundan sonra elan edilib ki, sənədlərin tədqiqi mərhələsinə keçilir.
Növbəti proses 16 iyul saat 17:00-a təyin olunub.
İttiham aktına görə, Əşrəf Əşrəfli Soner Kuçker adlı vətəndaşdan 34 000 manat alıb ki, onu Tibb Universitetinə tələbə kimi qəbul etdirəcək. Digər zərərçəkən Səbinə Abdullayeva isə övladını İspaniyada universitetə qəbul etdirmək üçün Əşrəf Əşrəfliyə 5100 manat pul verib.
Xatırladaq ki, Əşrəf Əşrəfli daha öncə Yasamal rayonu ərazisində etibardan sui-istifadə etmə və aldatma yolu ilə 12 nəfərin 35 min manat pulunu ələ keçirib.
Mənbə: lent.аz
