Azərbaycanın incəsənət xadimi dünyasını dəyişib. Bu haqda bu gün, 19 dekabr tarixində Bakuplus.az APA-ya istinadən xəbər verir.
Əməkdar incəsənət xadimi, Respublika Prezidentinin Fəxri təqaüdçüsü olan dirijor, 84 yaşlı Kazım Əliverdibəyov bu gün səhər saatlarında vəfat edib. Vida mərasimi 20 dekabr saat 13:00-da Təzə Pir məscidində keçiriləcək.
K.Əliverdibəyov 1938-ci ildə Bakıda anadan olub. O, Azərbaycan Dövlət Musiqili Komediya Teatrında, daha sonra Opera və Balet Teatrında dirijor kimi çalışıb.
