14:12 - Yenilənib
Azərpaşa Nemətov ilə vida mərasimi başa çatıb. Mərhumun nəşi dəfn olunmaq üçün II Fəxri xiyabana aparılıb.
11:13 - Azər Paşa Nemətov vəfat edib
Xalq artisti, Azərbaycan Teatr Xadimləri İttifaqının İdarə Heyətinin sədri, Azərbaycan Dövlət Akademik Milli Dram Teatrının bədii rəhbəri və direktoru Azər Paşa Nemətov aprelin 9-da, ömrünün 76-cı ilində vəfat edib. Bu haqda bu gün, 10 aprel tarixində Bakuplus.az teatrın mətbuat xidmətinə istinadən məlumat verir.
Azər Paşa Nemətovla vida mərasimi bu gün, saat 12-də Azərbaycan Dövlət Akademik Milli Dram Teatrında keçiriləcək. O, II Fəxri xiyabanda dəfn ediləcək.
Nemətovun vəfatı ilə əlaqədar Bakıda keçiriləcək Teatr Forumu 10-11 aprel tarixlərindən 11-12 aprel tarixlərinə keçirilib.
Nemətov 1947-ci ildə Bakı şəhərində anadan olub. 1991-ci ildən Azərbaycan Teatr Xadimləri İttifaqına da rəhbərlik edən Azər Paşa Nemətovun fəaliyyəti dövlət tərəfindən yüksək qiymətləndirilib. Teatr sənəti sahəsində xidmətlərinə görə, 1987-ci ildə Əməkdar incəsənət xadimi, 2002-ci ildə Xalq artisti fəxri adlarına, 2007-ci ildə “Şöhrət”, 2022-ci ildə “Şərəf” ordenlərinə layiq görülüb.
