Bakıda icra başçısı sakinləri dinləyib. Bu haqda BakuPlus.az RİH-nin mətbuat xidmətinə istinadən bu gün, 26 oktyabr tarixində xəbər verir.
Səbail Rayon İcra Hakimiyyətinin başçısı Vüqar Zeynalov Badamdar qəsəbəsində yerləşən Heydər Əliyev parkında sakinlərlə səyyar qəbul-görüş keçirib.
Görüşdə Rayon İcra Hakimiyyəti başçısının müavinləri, RİHBA-nın məsul işçiləri, ərazi icra nümayəndələri, bələdiyyə sədrləri, rayonun idarə, müəssisə, xidmət sahələrinin rəhbərləri və sakinlər iştirak ediblər.
Sakinlər məhəllədaxili yollara yeni asfalt örtüyünün salınması, fərdi yaşayış evlərinin təmir olunması, kanalizasiya xətlərinin yenilənməsi, yeni marşrut xətlərinin çəkilməsi və digər sosial problemlərlə bağlı müraciət ediblər.
Vüqar Zeynalov sakinlər tərəfindən qaldırılan məsələlərin həlli ilə bağlı əlaqədar qurum və təşkilat rəhbərlərinə müvafiq tapşırıqlar verib və onların həllini nəzarətə götürüb.
[URIS id=76592]
