Paytaxtın Binəqədi rayonu, Biləcəri qəsəbəsi Asəf Zeynallı 33 ünvanında qanunsuz heyvan kəsimi məntəqəsi aşkarlanıb. Bu haqda bu gün, 2 dekabr tarixində Qida Təhlükəsizliyi Agentliyinin mətbuat xidməti məlumat yayıb.
Aparılan yoxlama zamanı obyektdə sanitar-gigiyenik qaydalara riayət olunmadığı, eləcə də baytarlıq nəzarəti olmadan heyvan kəsimi həyata keçirildiyi məlum olub.
Müəssisə nəzarətə alınıb. Heyvan kəsimi ilə məşğul olan şəxslərlə profilaktik söhbətlər aparılıb.
“Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır”- deyə qurum əlavə edib.
[URIS id=17694]
