Paytaxtın Heydər Əliyev prospekti ilə Davud Aslan küçəsinin kəsişməsində quraşdırılan yol nişanları sürücülər arasında mübahisəli vəziyyət yaradır. Bu haqda bu gün, 26 noyabr tarixində Avtosfer məlumat verib.
Əvvəllər Heydər Əliyev prospektindən gələn sürücülər həm sağa - Davud Aslan küçəsi istiqamətinə, həm də geriyə dönərək Dövlət Neft Şirkətinə və onun ətrafındakı ərazilərə gedə bilirdilər. Bu günlərdə isə Dövlət Neft Şirkəti istiqamətində gedən yolun girişinə “hərəkət qadağandır” nişanı qoyulub, yəni yolun bu hissəsindən yalnız şirkətdə işləyən insanlar daxil ola bilərlər.
Həmin nişanla yanaşı, yolun girişində “Parkinq” nişanı da quraşdırılıb. Bu nişan isə standartlara uyğun deyil - nişanın üzərində təşkilatın adı, həmçinin "xidməti" sözünün yazılması nəzərdə tutulmayıb. Həmçinin avtomobil nişanın təsir sahəsində park edilsə, yolda hərəkət dayandırılacaq. Buna səbəb park edilən avtomobillə ayırıcı zolaq arasında 3 metrdən az məsafənin qalmasıdır.
Verilən məlumata görə, həmin parklanma həm qeyri-qanunidir, həm də hərəkət hissəsini daraldaraq yolu keçilməz edir.
