Bakının Xətai rayonu, Aşıq Ələsgər küçəsi, 6G ünvanında yerləşən 12 mərtəbəli yeni tikilən yaşayış binasının mansardında yeni mənzillər tikilir. Bu haqda 21 avqust tarixində Xəzər Xəbər məlumat verib.
Sakinlər tikintinin qanunsuz aparıldığını iddia edirlər. Onlar bildirirlər ki, mansard hissəsində aparılan tikinti işləri gələcəkdə bir sıra problemlər yarada bilər. Vətəndaşlar, tikinti davam etsə, liftin ehtiyat hissələrinin sıradan çıxa biləcəyindən şübhələnirlər.
Tikinti şirkətinin nümayəndəsi Telman Nuriyev isə sakinlərin iddiaları ilə razılaşmayıb. O, tikintiyə müvafiq qurumun icazə verdiyini iddia edib.
Lakin göndərilən sorğuya cavab olaraq Fövqəladə Hallar Nazirliyindən (FHN) bildirilib ki, həmin ünvanda sakinlərin müraciəti əsasında araşdırma aparılıb və müvafiq icazəverici sənədlər olmadan mansard mərtəbəsində tikinti-quraşdırma işləri aparılır.
"Tikintiyə dövlət nəzarətinin həyata keçirilməsi Qaydaları"na uyğun olaraq, cari il iyulun 14 -də nazirlik tərəfindən sözügedən binada tikinti işlərinin dayandırılması barədə Qərar qəbul edilib. Qəbul edilmiş Qərarın surəti icra edilməsi üçün sifarişçiyə, eyni zamanda tikinti ərazisinə nəzarət etmək üçün aidiyyəti üzrə müvafiq orqanlara göndərilib'', - məlumatda deyilir.
[caption id="attachment_60917" align="alignnone" width="800"]
Foto Xəzər Xəbərin rəsmi Youtube kanalı[/caption]
