Bakının Səbail rayonunda bədbəxt hadisə baş verib. Jurnalistlər üçün tikilən birinci binada yaşayan Bahar Məmmədova ikinci mərtəbənin eyvanından yıxılıb. Bu baradə 4 avqust, 23:50 radələrində Axar.az məlumat paylaşıb.
Məmmədova qonşuların köməyi ilə Sabunçu rayon 3 saylı Şəhər Klinik Xəstəxanasına aparılıb. Qeyd olunur ki, onun vəziyyəti ağırdır.
Qonşuların sözlərinə görə, Məmmədova tək yaşayır, onun maddi vəziyyəti ağırdır.
Oxşar hadisə 28 iyul Bakının Nəsimi rayonunda baş vermişdir. Gənc qız ehtiyatsızlıqdan doqquzuncu mərtəbənin eyvanından yıxılaraq həlak olmuşdur.
