Bu gün səhər saatlarında "BakuBus"a məxsus müntəzəm marşrut avtobusunda texniki nasazlıq baş verib.
Bakuplus.az xəbər verir ki, hadisə Bakı Sağlamlıq Mərkəzinin yaxınlığında yerləşən avtobus dayanacağında qeydə alınıb.
Məlumata görə, 3 nömrəli marşrut xətti üzrə hərəkət edən avtobusda yaranan nasazlıq səbəbindən sürücü bütün sərnişinlərin nəqliyyat vasitəsini tərk etməsini istəyib.
Hadisə nəticəsində bəzi sərnişinlər işə gecikəcəklərini bildirərək narazılıqlarını ifadə ediblər. Daha sonra onlar sürücü tərəfindən eyni marşrut xətti üzrə hərəkət edən digər avtobusa istiqamətləndiriliblər.
Hadisə anı Bakuplus.az-ın əməkdaşı tərəfindən lentə alınıb.
