Bakının Nizami rayonunda qadın keçmiş ərinə xəsarət yetirməkdə ittiham olunub.
Tərtər rayon sakini, 1997-ci il təvəllüdlü Leyla keçmiş əri Mahir ilə mübahisə edib.
İstintaq sənədlərinə görə, Leyla keçmiş ərinin yaşadığı ünvana gəlib və 3 azyaşlı övladını götürmək istəyib. Bu zaman Mahir etiraz edib və uşaqları vermək istəmədiyi üçün aralarında mübahisə baş verib.
Mübahisə zamanı Mahir Leylanı sinəsindən itələyərək evdən çıxarmaq istəyib. Bundan qəzəblənən Leyla qisas almaq niyyəti ilə Mahirin sifətinə əli ilə şillə vurub və dırnağı ilə sifətini cızıb.
Leylanın barəsində Cinayət Məcəlləsinin qəsdən sağlamlığa zərər vurma maddəsi ilə ittiham elan edilib.
Mahir ifadəsinin sonunda təqsirləndirilən şəxslə barışmadığını, dövlət ittihamçısının istədiyi cərimə cəzası ilə razı olduğunu, Leylanın uşaqlarının anası olduğunu nəzərə alaraq ona ən yüngül cəzanın verilməsini istəyib.
Nizami Rayon Məhkəməsinin hökmü ilə Leyla 1000 manat miqdarında cərimə edilib.
Qeyd edək ki, adlar şərti verilib.
Mənbə: demokrat.az
