"Bakıda velosiped və kiçik elektrik nəqliyyat vasitələrini idarə edənlərin təhlükəsizliyinin artırılması məqsədilə 47 yolayrıcında mövcud svetoforlara ümumilikdə 115 ədəd velosiped bölməsi quraşdırılaraq istifadəyə verilib. Bu yenilik mikromobil istifadəçilərinin hərəkətini daha təhlükəsiz və nizamlı etməyə imkan yaradacaq".
Bu barədə Bakuplus.az -a DİN-in Nəqliyyatı İntellektual İdarəetmə Mərkəzindən məlumat verilib.
Məlumata görə, velosiped bölmələri Yasamal rayonunda Hüseyn Cavid prospekti ilə Əbdürrəhim bəy Haqverdiyev küçəsinin, Səbail rayonunda Neftçilər prospekti ilə Bülbül prospektinin, eləcə də Xaqani küçəsi ilə Azadlıq prospektinin kəsişmələrində, Xətai rayonunda isə İzzət Orucov küçəsi ilə Sabit Orucov küçəsinin kəsişməsində quraşdırılıb. Yeni nəsil LED işıqlandırma ilə təchiz olunan bu bölmələrin mikromobilliyin inkişafına töhfə verəcəyi bildirilib.
