İlin ilk 6 ayında ölkədə ümumilikdə 130-dan çox orqan və toxuma transplantasiyası həyata keçirilib.
Bu barədə Səhiyyə Nazirliyi Orqan Donorluğu və Transplantasiyası üzrə Koordinasiya Mərkəzindən məlumat verilib.
Bildirilib ki, bu əməliyyatların 60-a yaxını böyrək, 30-a yaxını qaraciyər, 20-dən çoxu sümük iliyi, 25-ə yaxını isə buynuz qişa transplantasiyası olub.
"Hesabat dövründə meyit donorlardan götürülən orqan və toxumalar hesabına 30-a yaxın transplantasiya əməliyyatı icra edilib. Bu transplantasiyalar çərçivəsində böyrək, qaraciyər, ürək və buynuz qişa köçürülməsi uğurla həyata keçirilib. Bu göstəricilər ölkədə meyit donorluğu sisteminin inkişaf etdiyini və transplantasiya imkanlarının getdikcə genişləndiyini göstərir", - məlumatda qeyd olunub.
Mənbə: teleqraf.аz
