Sosial şəbəkədə etik qaydaları pozan daha bir tiktoker saxlanılıb.
Şirkətdə usta işləyən 39 yaşlı Hacı Muradov (şərti adla) "TikTok" sosial şəbəkəsində özünə məxsus hesabda canlı yayım açaraq, nalayiq ifadələr işlədib. Bununla da o, ictimai mənəviyyatı təhqirə və cəmiyyətə açıqca hörmətsizlik edən əməllərə yol verib.
Faktla bağlı o, polis əməkdaşları tərəfindən saxlanılaraq, barəsində İnzibati Xətalar Məcəlləsinin müvafiq maddəsilə protokol tərtib olunub.
İki uşaq atası olan Hacı Muradov bildirib ki, işdən evə qayıdarkən yolda canlı yayım açıb. O, əməlindən peşman olduğunu və bir daha belə hallara yol verməyəcəyini deyib.
Məhkəmənin qərarı ilə Hacı Muradov 800 manat məbləğində inzibati qaydada cərimələnib.
Mənbə: lent.az
