Abşeron rayonu Qala Dövlət Tarix Etnoqrafiya Qoruğunun muzeylər kompleksi ərazisində yeni abidə ucaldılıb. Bu haqda “İçərişəhər” Dövlət Tarix-Memarlıq Qoruğu İdarəsi məlumat yayıb.
44 günlük vətən müharibəsinin simvolu hesab olunan “Dəmir yumruq” abidəsinin müəllifi Elvin Manafovdur. O, bir il əvvəl gedən döyüşlərdə iştirak etmişdir. “Vətən müharibəsi iştirakçısı” və “Kəlbəcərin azad olunması uğrunda” medalları ilə təltif olunmuşdur.
27 sentyabr 2020-ci il tarixində “Dəmir yumruq” adı altında aparılan döyüş əməliyyatları başlamışdır. 44 günlük müharibədə Azərbaycanın işğal olunmuş torpaqları azad edilmişdir.
