Bakının Nərimanov rayonunda, Fətəli xan Xoyski prospektinin Koroğlu Rəhimov və Aşıq Molla Cümə küçələri arasındakı hissəsində sentyabr ayının 13-dən 14-nə keçən gecə təmir işləri başlayır. Bu haqda bu gün, 13 sentyabr tarixində Bakuplus.az Azərbaycan Avtomobil Yolları Dövlət Agentliyinin (AAYDA) mətbuat xidmətinə istinadən məlumat verir.
Təmir işləri yalnız gecə saatlarında icra olunacaq. Təmir işlərinin həftəsonuna qədər, yəni sentyabrın 18-də yekunlaşdırılması nəzərdə tutulur.
Qeyd olunan müddət ərzində ərazidə yalnız qismən məhdudlaşdırma tətbiq olunacaq.
