17 mart muğam ifaçısı, müğənni, Azərbaycanın Xalq artisti Könül Xasıyevanın ad günüdür.
Könül Xasıyeva 1968-ci ildə anadan olub. 1981-ci ildə "Gənclərin ümumrespublika baxış" müsabiqəsində qalib gəlib. 1981–1986-cı illərdə Bülbül adına orta ixtisas musiqi məktəbində xalq artisti Şövkət Ələkbərovanın tələbəsi olub. 1986–1991-ci illərdə Azərbaycan Dövlət Konservatoriyasında (indiki Musiqi Akademiyası) xalq artisti Arif Babayevin kursunda təhsil alıb.
Azərbaycanın bütün şəhər və rayonlarında, eləcə də Türkiyə, Almaniya, Fransa, İsveçrə, İtaliya, İran, Rusiya və s. kimi ölkələrdə konsert proqramlarında iştirak edib. Dövlət tədbirlərində, ictimai tədbirlərdə, cəbhə və döyüş bölgələrində böyük konsert çıxışları olub.
Azərbaycan Respublikası Prezidenti İlham Əliyevin 18 dekabr 2014-cü il sərəncamına əsasən Könül Xasiyevaya Azərbaycan mədəniyyətinin inkişafındakı xidmətlərinə görə Xalq artisti adı verilib.
