Bakıda küçələrdə yerləşdirilən soyuducu-vitrinlərlə bağlı maraqlı mənzərə yaranıb.
Sakinlərin sözlərinə görə, güclü külək zamanı aşma ehtimalı olan soyuducu-vitrinlərdən bəziləri kəndirlə ağaclara bağlanaraq bərkidilir.
Məsələ isə yalnız küləyin yaratdığı təhlükə ilə bağlı deyil. Əsas problem avadanlıqların səkilərdə yerləşdirilməsidir. Səkilər piyadaların sərbəst və təhlükəsiz hərəkəti üçün nəzərdə tutulmuş ictimai məkanlardır və hər hansı obyektin əlavə satış və ya saxlama sahəsinə çevrilməməlidir.
Ortaya isə belə bir sual çıxır: Bir avadanlığı küləkdən qorumaq üçün onu ağaca bağlamaq lazım gəlirsə, həmin avadanlığın ümumiyyətlə orada yerləşdirilməsi nə dərəcədə düzgündür?
mənbə: Bakı gündəliyi
