Yasamal rayonunda yerləşən 175 nömrəli məktəbin vəziyyəti valideynləri narahat edir.
Bakuplus.az xəbər verir ki, bu barədə sosial şəbəkə hesabında sözügedən məktəbdə övladı təhsil alan Leyla Abasova adlı xanım yazıb.
O bildirib ki, məktəb şəhərin mərkəzində yerləşsə də, bərbad vəziyyətdədir:
"Hansı problemdən danışaq bilmirəm. Şəhərin mərkəzində oxuyur mənim oğlum. Sinifin vəziyyəti bu gündədir. Rəhbərlik tələb edir ki, sinfi təmir edək. 175 saylı məktəbdən gedir söhbət.
Bəs bütün yay tətilində Elm və Təhsil Nazirliyi hansı işə baxıb ? Mənə rəsmi cavab versin Elm və Təhsil Nazirliyi".
