Azərbaycanda tanınmış musiqi pedaqoqu, Bakıdakı Bülbül adına Orta İxtisas Musiqi Məktəbinin sabiq direktor müavini Əhməd Mustafa oğlu Aşurov vəfat edib.
Əhməd Aşurov uzun illər musiqi təhsilinin inkişafına töhfə verib, gənc musiqiçilərin yetişməsində yaxından iştirak edib.
Mərhum Səid Rüstəmov adına Xalq Çalğı Alətləri Orkestrinin 2023–2026-cı illərdə bədii rəhbəri və baş dirijoru, Azərbaycan Dövlət Mədəniyyət və İncəsənət Universitetinin baş müəllimi, M. Maqomayev adına Azərbaycan Dövlət Akademik Filarmoniyasının nəzdində fəaliyyət göstərən F. Əmirov adına Azərbaycan Dövlət Mahnı və Rəqs Ansamblının direktoru-baş dirijoru Mustafa Aşurovun yaxın qohumu olub.
Qeyd edək ki, Aşurovun mənsub olduğu Aşurovlar (Aşurbəyovlar) nəsli Azərbaycanın ən tanınmış və nüfuzlu soylarından biri hesab olunur. Kökü Əfşar tayfasına gedib çıxan bu nəslin nümayəndələri ölkənin ictimai-siyasi, elmi, mədəni həyatında mühüm rol oynayıblar.
Mənbə: Bakıvaxtı.аz
