28 sentyabrda Bakıda hərəkətdə olan sərnişin avtobusunun qapısı qırılıb. Hadisə barədə videogörüntülər sosial şəbəkələrdə yayılıb.
Baku.ws-in məlumatına əsasən, 106 nömrəli marşrut xəttinin sürücüsü avtobusun qırılmış qapısını əli ilə saxlayaraq hərəkətini davam etdirib. Hadisə bu gün 10:40 radələrində qeydə alınıb.
Yeni Suraxanı qəsəbəsi 14 İyul küçəsində “BUS-Trans” şirkətinin müvəqqəti istismarında olan 106 nömrəli marşrut üzrə 99 RU 659 DQN avtobusunun iştirakı ilə yol- nəqliyyat hadisəsi qeydə alınıb.
Yük avtomobili işıqforda dönmə əməliyyatını həyata keçirərkən nəqliyyat vasitəsinin arxa hissəsinin avtobusun sürücü yerləşən hissəsinə dəyib. Həmin vaxt avtobusda sərnişin olmayıb”, - deyə BNA-dan bildirilib.
