Binə qəsəbəsindəki “Bravo” superstorunda keçirilən “Plastik butulkanı ekoçantaya dəyiş” aksiyası zamanı ümumi tutumu 3480 litr olan plastik butulka yığılıb. Bu haqda BakuPlus.az Ekologiya və Təbii Sərvətlər Nazirliyinin mətbuat xidmətinə istinadən bu gün, 22 avqust tarixində xəbər verir.
İştirakçılara ekoçantalar paylanılıb. Ümumi tutumu 50 litrdən artıq butulka təhvil verən şəxslərə ekoçantalarla yanaşı, Milli Parklara bilet və azyaşlı uşaqlara kitablar hədiyyə olunub. Yığılan plastik tullantılar “AzEkol” MMC tərəfindən təkrar emala yönləndirilib.
Ekoloji Maarifləndirmə və İctimaiyyətlə Əlaqələr Şöbəsinin müdiri Səyyarə Məmmədova bildirib ki, bugünədək 8 aksiya keçirilib. Aksiya növbəti həftələrdə də davam etdiriləcək.
Nazirlik rəsmisi aksiyalarda iştirak edən bütün vətəndaşlara təşəkkür edib və hər kəsi plastik tullantıların çeşidlənməsinə, təkrar emala yönləndirilməsinə birlikdə dəstək olmağa çağırıb.
[caption id="attachment_61891" align="alignnone" width="800"]
Foto Ekologiya və Təbii Sərvətlər Nazirliyinin rəsmi saytı[/caption]
