Prokurorluq bəraət alan şəxsin cinayət işini apellyasiyaya göndərib. Bu haqda 22 dekabr tarixində Report xəbər verib.
Nəsimi rayonunda martın 18-i iki qardaş Etibar və Elçin Camalov şəxsi münasibətlər zəminində mübahisə etmişdirlər. Nəticədə Elçin Camalov qardaşını bıçaqlamışdır. Aldığı xəsarətlərdən Etibar Camalov dünyasını dəyişmişdir.
Faktla bağlı istintaq aparılmış və Elçin Camalov Cinayət Məcəlləsinin “Qəsdən adam öldürmə” maddəsi ilə təqsirləndirilmişdir. Bakı Ağır Cinayətlər Məhkəməsinin 8 dekabr 2021-ci il tarixli hökmü ilə ona, əməli zəruri müdafiə kimi qiymətləndirilərək bəraət verilib. Bu qərarla razı olmayan prokuror işi apellyasiyaya verib.
