Tanınmış bloqer Hüseyn Həsənov bir müddətdir Bakıda getdiyi idman zalına buraxılmayıb.
Bakuplus.az xəbər verir ki, bu barədə o, şəxsi sosial şəbəkə hesabında məlumat yayıb. Bloqer bunun səbəbini də açıqlayıb:
"Bu gün öz komandama idman zalı üçün aylıq abunəlik aldım. Qeydiyyat şöbəsində mənə dedilər ki, rəhbərlik sizin abunəliyinizin uzadılmasını istəmir. Serbiyadan olan menecerlə görüşdüm və problemin nədən ibarət olduğunu soruşdum. Mənə deyildi ki, idman zalında qızıl qulaqlıq taxmağım və cangüdənimin əzələlərini nümayiş etdirməsi onun xoşuna gəlmir. Cavab verdim ki, bu sözlərdən sonra sizin zala gəlmək istəmirəm, abunəlik pulunu geri qaytarın. Mənə pulun geri qaytarılmasının mümkün olmadığını dedilər. Pul sizin olsun, sizin üçün yaxşı reklam edəcəyəm cavabını verdim".
Hüseyn daha sonra idman zalının abunə kartını zibilqabına atdığı görüntünü paylaşaraq bu sözləri yazıb:
"Abunəlik kartı öz yerini tapdı".
