Tanınmış şair Elçin Aslangil restoranlarda təcili tibbi yardım çantasının olmamasından narazıdır.
Bakuplus.az xəbər verir ki, şair bu barədə sosial şəbəkə hesabında yazıb. O bildirib ki, Bakıda tanınmış restoranlardan birinə daxil olarkən qapı tutacağı qapı tutacağı əlimin yaralanmasına səbəb oldu: “Zalım tutacaq əlimi elə yaralamışdı ki, qanı saxlamaq olmurdu. Nəhayət, restoranda oturub işçilərdən birinə müraciət etdim:
- Bağışlayın, sizdə ilk tibbi yardım çantası varmı? Bildiyim qədəri ilə hər restoranda olmalıdır. Mənə bu yara üçün plastır lazımdır.
Nəzakətli və həşəmətli restoran işçisi gedib, bir qədər sonra gəldi və olmadığını dedi.
Soruşdum:
- Birdən sizin restoranda hansısa bir işçi yaralansa ilkin tibbi müdaxiləni necə edəcəksiniz?
- "Təcili yardım cağıracağıq", dedi.
Düşündüm ki, bu məsələyə bir az aydınlıq gətirmək yaxşı olar”.
Şair qeyd edib ki, məsələni aydınlaşdırmaq məqsədi ilə Azərbaycan Qida Təhlükəsizliyi Agentliyinə zəng vurub, ordan bu işə Səhiyyə Nazirliyinin nəzarət etdiyini bildiriblər. Səhiyyə Nazirliyindən isə şairə deyiblər ki, məsələyə Azərbaycan Qida Təhlükəsizliyi Agentliyi baxır.
