"Telegram" sosial şəbəkəsində uşaq pornoqrafiyasını yayan şəxsə hökm oxunub.
Lent.az xəbər verir ki, 23 yaşlı Murad İsmayılov (ad və soyad şərtidir) naməlum mənbədən uşaq pornoqrafiyası ilə bağlı materiallar əldə edib. Ümumilikdə 71 belə videonu "Telegram"da özünə məxsus "Turkish" adlı kanalda paylaşıb və üzvlərə təklif edib.
Bundan başqa o, həmin sosial şəbəkədə başqa bir kanalında saxta reklamlar, endirim kampaniyaları, hətta cərimələrin endirimlə ödənilməsi ilə bağlı paylaşımlar edib. Həvəslənən izləyicilər həmin səhifələrə daxil olaraq, özlərinə və qohumlarına məxsus bank kartlarının nömrələrini qeyd ediblər. Bu üsulla pul əldə edən Murad zərərçəkənlərin ümumilikdə 2000 manatdan çox vəsaitini "Netflix", Tiktok, "Bolt-Food" və s. kimi onlayn ödənişlərə xərcləyib.
Bu əməllərinə görə Murad İsmayılov hüquq-mühafizə orqanları tərəfindən saxlanılıb və cinayət işi başlanıb.
Yasamal rayon Məhkəməsinin qərarı ilə Murad İsmayılov barəsində 3 il sınaq müddəti tətbiq olunmaqla 2 il 6 ay müddətinə azadlıqdan məhrumetmə cəzası verilib.
