Bakı küçələrində sərnişindaşıma sahəsində fəaliyyət göstərən qadın avtobus sürücülərinin ilk 162 günlük iş fəaliyyətinin rəsmi statistikası açıqlanıb.
Bakuplus.az xəbər verir ki, göstəricilərə əsasən, 140E nömrəli ekspres marşrut xətti üzrə hərəkət edən sürücü Rəna Cəfərova bu müddət ərzində 648 reys yerinə yetirib.
Onun idarə etdiyi avtobusla paytaxt yollarında qət etdiyi ümumi məsafə təxminən 33 437 kilometr təşkil edib.
Digər qadın sürücü Xalidə Səmədova isə 121E nömrəli marşrut xəttində eyni zaman kəsiyində 648 reys icra edib.
Onun 162 gün ərzində Bakı küçələrində qət etdiyi ümumi xidməti məsafə təxminən 28 253 kilometr olaraq qeydə alınıb.
Hər iki xanım sürücünün gərgin və sıx şəhər trafikində fəaliyyət göstərdiyi dövr ərzində törətdiyi qəza sayı sıfıra bərabərdir.
Eyni zamanda hər iki sürücünün iş qrafiki ərzində hər hansı bir intizam tənbehi və ya qayda pozuntusu qeydə alınmayıb.
