Yeni yaradılan E1 marşrut xəttində gedişhaqqı azaldılıb. Bu haqda bu gün, 27 oktyabr tarixində Bakuplus.az Bakı Nəqliyyat Agentliyinə istinadən xəbər verir.
Avtobusdan istifadə üçün ödəniş 60 qəpikdən 50 qəpiyə endirilib.
“Bu addım E1 xəttinin cəlbediciliyini daha da artırmaq və vətəndaşları qanunsuz sərnişindaşımalardan çəkindirmək məqsədilə edilib”, - deyə qurum əlavə edib.
Daha öncə 27 oktyabr tarixindən Lökbatan qəsəbəsi və metronun “Xalqlar Dostluğu” stansiyasını əlaqələndirəcək yeni marşrut xəttinin yaradıldığı haqda məlumat verilmişdir.
