QOÇ bürcü
Qoçlar, hazır olun! Bu həftə həyatınız həmişəkindən daha rəngarəng olacaq. Karyera yüksəlişinizi əhəmiyyətli dərəcədə sürətləndirəcək bir neçə mənbə tapacaqsınız. Yeni tanışlıqlar və iş ortaqları arasında həyatınızın ikinci yarısını da tapmaq şansınız olacaq: ürəyinizə qulaq asın, o, doğru insanı göstərəcək. Həftəsonu dostlarınıza görə kefiniz pozula bilər: yalanlar üzə çıxacaq. Uğurlu günləriniz 27, 31 mart, uğursuz gününüz isə 1 apreldir.
BUĞA bürcü
Buğalar, bütün gücünüzü işə sərf edin! Bu həftə ulduzlar sizə karyera yüksəlişi və arzularınızın yerinə yetəcəyini vəd edir. Təbii ki, bu, yalnız sizdən asılı olacaq, necə deyərlər, “nə əksən, onu biçəcəksən”. Bu ərəfələrdə kiminsə problemini həll etməyə çalışmayın, özünüzü tam öz problemlərinizə (hətta ən kiçiklərinə də) həsr edin. Əgər çoxdandır karyera yüksəlişi gözləyirsinizsə, mütləq rəhbərliklə danışın: sizə yeni vəzifə verə bilərlər. Uğurlu günləriniz 30 mart, 2 aprel, uğursuz gününüz isə 29 martdır.
ƏKİZLƏR bürcü
Əkizlər bu həftə diqqətli olmalıdırlar: oğrular sizi təqib edəcəklər. Bundan əlavə, evli Əkizlər onu yoldan çıxarmaq istəyən bir nəfəri həyatından uzaqlaşdırmalıdırlar. Əks halda sevgi münasibətinizdə qırılma baş verəcək. Həftəsonunu istirahətə sərf etmək məsləhət görülür: stresdən uzaq olmağa çalışın. Maaş artımı və ya bonuslar gözlənilir: o pulları investisiyaya buraxın, sonda kapitalınız xeyli artacaq. Uğurlu günləriniz 27, 28 mart, uğursuz gününüz isə 31 martdır.
XƏRÇƏNG bürcü
Xərçəng bürcünün nümayəndələri bu həftə sağlamlıqlarına diqqət yetirməli, əsəb sistemlərini qorumalıdırlar. Sevimli xərçənglər, biri sizi bezdirmək istəyir, amma buna nail olmayacaq: sakit olun və inamla işinizlə məşğul olun. Ulduzlar uzun müddətdir gözlədiyiniz cavabı tezliklə alacağınızı proqnozlaşdırır. Həftəiçi gözləmədiyiniz insanlar sizi şoka sala bilərlər: lazımsız insanlara güvəndiyiniz və sirlərinizi açdığınız üçün peşman olacaqsınız. Müdiriyyətdən maaş artımı tələb etmək vaxtıdır: “yox” cavabı almayacaqsınız. Uğurlu günləriniz 30 mart, 1 aprel, uğursuz gününüz isə 28 martdır.
ŞİR bürcü
Bu həftə yaxınlarınıza diqqət yetirin: soyuq münasibət sizi sonda konfliktə doğru aparacaq. Həftəiçi vaxt tapıb dil, İT kurslarına yazılın: gələcəkdə gəlirli işə düzəlmək şansınız olacaq. Subay Şir səyahətə çıxmaq imkanı əldə edəcək və orada ikinci yarısı ilə qarşılaşacaq. Həftəsonu maaş alacaqsınız, lakin bir gündə onu xərcləyə bilərsiniz: lazımsız yeyib-içməyə, istirahətə pullar sərf edə bilərsiniz. Ümumiyyətlə, bu ərəfələrdə pullarınızı yığın, bədxərc olmayın. Uğurlu günləriniz 31 mart, 2 aprel, uğursuz gününüz isə 30 martdır.
QIZ bürcü
Bu həftə hər kəsə qayğı göstərməyi dayandırın: özünüzə diqqət yetirin! Məzuniyyətə çıxın və bol-bol istirahət edin. İstirahət vaxtı yeni tanışlıqlar əldə edəcəksiniz. Həftəiçi diqqətsizliyinizin nəticəsində özünüzə xəsarət yetirə və ya pulunuzu itirə bilərsiniz. Sevgilinizdən kiçik, lakin böyük həyəcan bəxş edəcək sürpriz gözləyin. Həftəsonu tənqidə məruz qala bilərsiniz: danışıq və hərəkətlərinizə, xüsusən də kimin yanınızda olmasına diqqət yetirin. Uğurlu günləriniz 1, 2 aprel, uğursuz gününüz isə 27 martdır.
TƏRƏZİ bürcü
Hər xırda şeylərə hirslənməyin, mənfi emosiyaların sizi ələ keçirməsinə imkan verməyin, yalnız müsbət fikirlərlə qidalanın. Həftəiçi dostlarla bir layihəyə başlaya bilərsiniz: uğur sizin yanınızda olacaq. Yaxın dostunuzun xoşbəxt olmağına kömək olacaqsınız, onun “bəxtini açacaqsınız”. Tale sizə sürprizlər hazırlayıb: həftənin sonundan xoş günlər başlayacaq. Həyatınızda toksik bir insan var: sizin uğurunuz onu dəli edir. Yaxın günlərdə həmin insanı ifşa edəcəksiniz,amma bir problem var: gözləmədiyiniz insan olduğu üçün pis ola bilərsiniz. Uğurlu günləriniz 27, 31 mart, uğursuz gününüz isə 1 apreldir.
ƏQRƏB bürcü
Uğur bütün həftə Əqrəbi izləyəcək! Hər yeni layihə, hər bir ideya başgicəlləndirici müvəffəqiyyətlə sonlanacaq. Sevgi cəbhəsində xoş dəyişikliklər baş verəcək: xoşunuza gələn bir nəfər sizə sevgi etirafı edə bilər. Maaş artımı və yeni perspektivli layihələrə hazır olun: nəhayət ki, maddi sıxıntılarınıza “yox” deyəcəksiniz. Uğurlu günləriniz 28 mart, 2 aprel, uğursuz gününüz isə 30 martdır.
OXATAN bürcü
Bu həftə Oxatan qıcıqlanma və emosiyalarda qəfil dəyişikliklər yaşayacaq: bu, həmkarlarla, rəhbərlə və yaxınlarınızla münasibətlərə mənfi təsir göstərə bilər. Həftə boyu qaçaqaçda olacaqsınız, lakin sonda əziyyətinizin bəhrəsini görəcəksiniz. Ev almaq istəyənlər axır ki, arzularına çatacaqlar: qarşınıza sərfəli qiymətə mənzil çıxacaq. Həftəsonu xaricdən sizə xoş xəbərlər gələ bilər. Uğurlu günləriniz 31 mart, 1 aprel, uğursuz gününüz isə 2 apreldir.
OĞLAQ bürcü
Bu həftə Oğlağın istənilən cəhdi böyük uğurla başa çatacaq. Başqalarına tamamilə çılğın, real görünməyən bir layihəyə başlamaq istəyirsiniz?- İrəli! Bütün tənqidçilər və sizə inanmayanlar həftənin sonunda paxıllıqdan “dodaq gəmirəcəklər”. Sevgilinizlə münasibət korlana bilər: ona qısqanmaq üçün səbəb verməyin. Həftəsonu cibiniz pulla dolacaq: bahalı həyat yaşamaqdan qorxmayın. Uğurlu günləriniz 30, 31 mart, uğursuz gününüz isə 29 martdır.
DOLÇA bürcü
Dolçaları çox uğurlu həftə gözləyir! Rəhbərlik sizi maaş artımı ilə və ya xaricə səyahət xəbəri ilə sevindirəcək. Sevgi cəbhəsində isə sizi bir həftə sınaqlar gözləyir: duyğularınızı idarə etməyin və susmağın çətin olduğu vəziyyətlərlə qarşılaşacaqsınız. Sevdiyiniz insanla aranızda münaqişə yarandığını hiss edən kimi geri çəkilin. Köhnə iş yoldaşınızla görüşünüz baş tuta bilər: ondan sizə sərf edəcək təklif gözləyin. Uğurlu günləriniz 28, 31 mart, uğursuz gününüz isə 30 martdır.
BALIQLAR bürcü
Bu həftə Balıqlar üçün təxirə salınmış məsələləri həll etməyin ideal vaxtıdır. Özünüzə vaxt ayırın, bəsdir səhərdən axşama kimi işlədiniz! Həyatın dadını çıxarmaq vaxtıdır: bütün problemləri, qayğıları kənara qoyun. Həftəiçi sevgi üçbucağına girmək riski var: bu, yaxşı heç nə vəd etməyəcək. Unutmayın: ulduzlar sizin ikinci yarınızı vaxtı gələndə qarşınıza çıxaracaq. Uğurlu günləriniz 28, 30 mart, uğursuz gününüz isə 2 apreldir.
