Binəqədi rayonu 6-ci mikrorayon ərazisində yerləşən park baxımsız vəziyyətdə qalıb. Bu haqda BakuPlus.az ATV Telekanalı-na istinadən 22 fevral tariixində xəbər verir.
Həmin ərazi sovetlər dövründə dendra park olub. Vaxtilə ərazisindəki süni göl, şəlalə kompleksi göz oxşayıb.
Bu gün isə həmin gölü kol-kos basıb. Şəlalədən geriyə qalan uçub dağılmış divarlardır. Baxımsız olmasına baxmayaraq, ətrafda yaşayanlar bu parka indi də gəlir.
Sakinlərin sözlərinə görə, yaşıllıq sahəsi çox olduğundan burda həmişə oksigen bol olur.
12 hektara yaxın ərazisi olan parkda təmizlik işləri aparılır. Bu vaxta qədər unudulan ərazi tullantılardan təmizlənir.
Araşdırma zamanı parkın Bakı Şəhər İcra Hakimiyyəti Yaşıllaşdırma Təsərrüfatı Birliyinin balansında olması məlum olub. Qurumdan bildirilib ki, ərazidə yeraltı suların sızmaları var.
Qurum əlavə edib ki, məsələnin həlli üçün təcrübəli geoloqların iştirakı ilə araşdırma aparılır. Yekun qərardan sonra müvafiq tədbirlər həyata keçiriləcək. Gələcəkdə mərhələli şəkildə parkda abadlaşma işləri aparılacaq.
[URIS id=34471]
