Nəsimi rayonunda “gözə görünməz” işıqfor sürücüləri çaş-baş salır. Bu haqda 24 avqust tarixində Bakuplus.az Patrul.az-a istinadən xəbər verir.
Mir Cəlal və Asif Məhərrəmov küçələrinin kəşisməsində quraşdırılan işıqfor sürücülərlə gizlənpaç oynayır. Həmin işıqfor sürücülər tərəfindən görünmür, buna səbəb isə ağacın budaqlarının arasında qalmasıdır. Ağac böyüyüncə, qol-budaq atınca, həmin yol nizamlayıcısı daha görünməz olur.
Nəticədə bu vəziyyət yolda hərəkət edən sürücülərə ciddi maneə törədir, hətta qəzalara səbəb olur. Sürücülər deyir ki, yalnız bir neçə saniyə diqqətlə baxdıqdan sonra orada işıqforun olduğunu görmək mümkündür.
