Abşeron rayonu Qurd dərəsi yaşayış massivində yerləşən Xocavənd rayonu Əmirallar kəndi tam orta məktəbdə istilik sistemi yox dərəcəsindədir.
Bu barədə Bakuplus.az-a məktəbdə təhsil alan şagirdlərdən birinin valideyni bildirib.
Şikayətçi iddia edir ki, bunun səbəbkarlarından biri isə məktəbin keçmiş direktorudur:
“İstilik məktəbin keçmiş direktoru Mərkəz Hüseynovun oğlanlarının evinə verilir. Həmin məktəbin həyətində direktorun 2 oğlunun evi tikilib. Onların villası uşaqların oynaması üçün nəzərdə tutulmuş ərazidədir.
Uşaqlarımız pul yığıb istilik sobası alırlar. Köhnə direktor gəlib ya sobanı götürür, ya da təpik vurub aşırdır”.
Valideynin sözlərinə görə, uşaqlar tez-tez xəstələndiyi üçün dərslərə davamiyyət aşağı düşür.
Bakuplus.az sözügedən məsələ ilə bağlı Məktəbəqədər və Ümumi Təhsil üzrə Dövlət Ağentliyinə sorğu ünvanlayıb. Təəssüf ki, gün ərzində soğrumuza cavab ala bilmədik.
