Bakının Xəzər rayonundakı Binə atçılıq yaşayış massivinin bəzi sakinləri bu yaxınlarda istifadəyə verilmiş 292 nömrəli məktəbə övladlarını elektron sistem vasitəsilə qeydiyyatdan keçirə bilmirlər. Onların sözlərinə görə, təhsil müəssisəsinin rəhbərliyi bütün yerlərin dolduğunu bildirir. Bu haqda bu gün, 23 avqust tarixində Bakuplus.az Xəzər Xəbər-ə istinadən məlumat verir.
Həmin təhsil müəssisəsi evlərinin yanında yerləşdiyindən vətəndaşlar övladlarını başqa məktəblərə göndərmək istəmirlər.
Bakı Şəhəri üzrə Təhsil İdarəsindən bildirilib ki, yeni təhsil ocağı 1890 şagird üçün nəzərdə tutulub. 2022/23-cü tədris ili üçün burada 77 sinif açılıb. Hazırda bu siniflərdə 1880 məktəbli qeydiyyata alınıb.
Bildirilib ki, vətəndaşların müraciəti nəzərə alınıb, məktəbdə əlavə sinif açılması imkanları araşdırılır.
[caption id="attachment_62923" align="alignnone" width="800"]
Foto Xəzər Xəbərin rəsmi Youtube kanalı[/caption]
