Xəzər rayonunun əhalinin sıx məskunlaşdığı Binə qəsəbəsinin adsız küçələrindən biri zibilxananı xatırladır. Bu haqda bu gün, 31 avqust tarixində Bakuplus.az Xəzər Xəbərə istinadən məlumat verir.
Sakinlər iddia edirlər ki, ictimai xidmət işçiləri mütəmadi olaraq ya zibil qutularının yerini dəyişirlər, ya da onları aparırlar. Bir neçə gündür qutuların olmaması ərazidə antisanitar vəziyyət yaradıb.
Onların sözlərinə görə, əslində bir neçə gün əvvəl burada zibil qutuları olub. Lakin naməlum səbəblərdən bu yeşiklər mütəmadi olaraq götürülür. Nəticədə məişət tullantıları bu şəkildə toplanılır.
Vətəndaşlar problemin həlli üçün mütəmadi olaraq Xəzər rayon icra hakimiyyətinə və digər ixtisaslaşmış təşkilatlara müraciətlər ediblər.
Binə qəsəbəsinin İcra Nümayəndəsi Tahir Əliyev məsələyə aydınlıq gətirib. Onun sözlərinə görə, həmin ərazidə borular var. Həmin borular zibil maşınlarının hərəkətinə maneə olduğu üçün qutular oradan götürülüb. Bu sahə Suraxanı rayonu ilə sərhəddir. Bu səbəbdən sabah iki rayonun məsul şəxsləri arasında müzakirə aparılacaq və qutuların qoyulması üçün münasib yer seçiləcək. Gün ərzində ərazinin zibildən təmizlənəcəyi də vurğulanıb.
[caption id="attachment_67156" align="alignnone" width="800"]
Foto Xəzər Xəbərin rəsmi Youtube kanalı[/caption]
