“Biz bloqerliyə əlavə gəlir yeri kimi baxırdıq. İndi isə bir nömrəli gəlir yerimizdir. O biri bloqerlərdən fərqimiz - biz aktyor-aktrisa kimi tanınmışıq. İndi isə həm də bloqerlik edirik”.
Musavat.com xəbər verir ki, bu sözləri aktyor Elvin Ağayev “Günə doğru” verilişində deyib.
Aktrisa Elvina Atakişiyeva isə Azərbaycanda bloqer olmadığını bildirib:
“Biz video kontent yaradırıq, ya da başqa ölkələrdən götürürük. Azərbaycanda bloqer yoxdur. Xarici bloqerlər faydalı, maraqlı videolar çəkirlər. Bizdə yoldan keçənlər də sosial mediaya gəlir, söyüşlə, açıq-saçıqlıqla gündəm olurlar. Onları görəndə düşünürəm ki, biz niyə sosial mediada varıq? Adam həvəsdən düşür”.
